कोभिड १९- २९०५ जना निको भए

काठमाडौँ । पछिल्लो २४ घण्टामा ९१९६ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार देशभरका विभिन्न प्रयोगशालामा गरिएको पीसीआर परीक्षणमा ९०२३ र एन्टिजेन विधिबाट गरिएको परीक्षणमा १७३ जनामा कोरोना पुष्टि भएको हो ।

१९९८७ जनाको पीसीआर र ४९५ को एन्टिजेन विधिबाट गरिएको परीक्षणमा सो सङ्ख्यामा सङ्क्रमित भेटिएका हुन् ।

योसहित नेपालमा हालसम्म कोरोना सङ्क्रमितको सङ्ख्या ३ लाख ७७६०३ पुगेको छ । यही अवधिमा २९०५ जना निको भएका छन् । त्यस्तै, थप ५० जनाको मृत्यु भएको छ ।