सामूहिक लगानी कोष नियमावली संशोधनः योजना व्यवस्थापकले लिने शुल्क योजनाको आयमा लेखांकन गर्नुपर्ने

नेपाल धितो पत्र बोर्डले सामूहिक लगानी कोष नियमावली संशोधन गरेको छ । सो नियमावली (चाैथो संशोधन) भदाै २४ गते बाट लागु गरेको हो ।

बोर्डले संशोधनमा योजना व्यवस्थापकले खुलामुखी योजनाको इकाइ पुर्नखरिद गर्दा लिने शुल्क( एक्जिट फि) योजनाको आयमा लेखाङ्कन गर्नु पर्ने व्यवस्था गरेको छ ।

म्युचुअल फण्डका लगाानीकर्ताहरूले यसअघि आफ्नो लगानी फिर्ता लिन चाहेमा निश्चित शुल्क तिरेर योजना व्यवस्थापनकलाई इकाइ बिक्री गर्ने गर्थे । त्यस वापत लाग्ने शुल्क व्यवस्थापकले आफ्नो लेखाप्रणालीमा समावेश गर्ने गथ्र्यो । अब भने त्यो रकम योजनाको लेखा प्रणालीमा समावेश हुने भएको छ । यसो हुँदा योजनाका लगानीकर्ताहरूको एनएभी र प्रतिफल समेतमा वृद्धि हुनेछ ।

नियमावलीको नियम ४० को उपनियम (४) मा योजना व्यवस्थापक र योजनाको लेखा परिक्षकको नियुक्ती गर्दा बोर्डलाई जानकारी दिई नियुक्त गर्न सक्ने व्यवस्था गरिएको छ । यस अघि सो बोर्डबाट स्वीकृति लिएर मात्र गर्न सकिने व्यवस्था रहेको थियो ।

उक्त व्यवस्था लागू भएसँगै खुलामुखी सामूहिक लगानी योजनाको आयमा बृद्धि भई लगानीकर्ताहरुको हित हुने बोर्डको अपेक्षा रहेको छ ।