नेपालमा ९२७ जना नयाँ संक्रमित थपिए, उपत्यकामा सबै भन्दा धेरै

काठमाडौं । नेपालमा ९२७ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमका अनुसार विगत २४ घण्टामा ९२७ जना नयाँ संक्रमित थपिएका हुन् ।

प्रवक्ता गौतमका अनुसार आज मात्रै १० हजार बढीको पिसिआर परिक्षण गरिएको छ । आजसम्म संक्मित मध्ये ५६ प्रतिशत संक्रमित निको भएर फर्किसकेका छन् ।

काठमाडौं उपत्यकामा थप ४१५ जनामा कोरोना भाइरसको संक्रमण देखिएको छ । गौतमले काठमाडौं उपत्यकामा पछिल्लो २४ घण्टामा थप ४१५ जनामा कोरोना संक्रमण भएको पुष्टि गरेका हुन् । उपत्यकामा संक्रमित थपिएको यो संख्या अहिलेसम्म कै धेरै हो ।

प्रवक्ता गौतमका अनुसार उपत्यकामा आज थपिएका नयाँ संक्रमित काठमाडौंका ३५० जना, ललितपुरका ११ जना र भक्तपुरका ५४ जनामा कोरोना संक्रमण पुष्टि भएको हो ।