उपत्यकामा आज १५९ जना कोरोना संक्रमित थपिए

काठमाडौं । उपत्यकामा आज १५९ जना कोरोना संक्रमित थपिएका छन्।

उपत्यकाका विभिन्न प्रयोगशालामा पछिल्लो २४ घण्टामा भएको पीसीआर परीक्षणमा काठमाडौंका १३४ जना, ललितपुरका १७ जना र भक्तपुरका ८ जनामा संक्रमण पुष्टि भएको हो।

योसँगै काठमाडौं उपत्यकामा कोरोना संक्रमितको कुल संख्या २ हजार ४७८ पुगेको छ। यीमध्ये काठमाडौंका १ हजार ९८८, ललितपुरका ३५८ र भक्तपुरका १६९ जना छन्।

केही दिनयता काठमाडौंमा दैनिक सयभन्दा बढी संक्रमित थपिइरहेका छन्।

हिजो मंगलबार काठमाडौंमा १३८, ललितपुरमा ५० र भक्तपुरमा १७ जना कोरोना संक्रमित थपिएका थिए।

पछिल्लो २४ घण्टामा देशभर ६८१ जना कोरोना संक्रमित थपिएका छन्।

हाल देशर सक्रिय संक्रमितको संख्या ११ हजार ११८ छ।