मौद्रिक नीतिलाई नेप्सेको लाल सलाम « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

मुख्य समाचार

मौद्रिक नीतिलाई नेप्सेको लाल सलाम

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्


बिहिबार नेपाल स्टक एक्सचेन्ज (नेप्से) १४ दशमलव १४ अंकले घटेर १ हजार २ सय ६९ दशमलव ९२ को बिन्दुमा पुगेर कारोबार बन्द भएको छ । मौद्रिक नीति सार्वजनिक गरेको भोलिपल्टै सेयर बजारमा नकारात्मक प्रभाव परेको हो । यस अघि दैनिक जसो सामान्य रुपमा घटबढ भइरहेको नेप्से परिसुचकमा बिहीबार भने दोहोरो अंकले गिरावट आएको छ । बिहिबार ‘क’ वर्गका कम्पनीहरुको मापन सेन्सेटिभ परिसुचक २ दशमलव ६६ अंकले घटेर २ सय ७३ दशलमव ४७ अंकको बिन्दुमा पुगेर बन्द भएको छ ।

यसदिन १ सय ७१ कम्पनीको २१ लाख ९८ हजार १२६ कित्ता शेयर खरिदबिक्री भई ५५ करोड ५ लाख ३२ हजार रुपैयाँ बराबरको कारोबार भएको छ । यस दिन सबैभन्दा बढी कारोबार प्रभु बैंक लिमिटेडको भएको छ । जसको कारोबार आज ६ करोड १७ लाख ५१ हजार रुपैयाँ बराबरको भएको छ ।

यस दिन सर्वा्िधक कमाउनेमा नेपाल ल्यूब आयल लिमिटेडको रहेको छ । जसको शेयर मूल्यमा ८ दशमलव ८१ प्रतिशतले बढेको छ । साथै सर्वा्िधक गुमाउनेमा युनियन हाइड्रोपावर कम्पनीका लगानीकर्ताहरु रहेका छन् । जसको शेयर मूल्यमा ९ दशमलव ५७ प्रतिशतले घटेको छ ।

यस दिन १२ वटै उपपरिसुचकहरुमा सबैमा रातामै छाएका छन् ।

प्रकाशित : ९ श्रावण २०७६, बिहिबार १५:४० 25 July, 2019 3:40 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।