मोेदीलाई अभिनन्दन गर्न १ करोड २६ लाखको मञ्च !

काठमाडौं । नेपाल भ्रमणको क्रममा भारतका प्रधानमन्त्री नरेन्द्र मोदी भोलि शुक्रबार जनकपुर आउँदैछन् । मोदी आउने भएपछि जनकपुरको सुरक्षा व्यवस्था निकै कडा पारिएको छ ।

कडा सुरक्षा घेरामा भारतीय प्रधानमन्त्री मोदीको अभिनन्दन स्थलको व्यवस्थापन भइरहेको छ। जनकपुरको बाह्रबिघा मैदानमा मोदीलाई नागरिक अभिनन्दन गरिने भएको छ ।

त्यसका लागि मञ्च लगभग तयार भैसकेको छ । उनी २८ र २९ गते दुई दिने भ्रमणमा नेपाल आउन लागेका हुन् । बाह्रबिघा मैदानमा ५० हजार भन्दा बढी सर्वसाधारण अटनसक्ने गरी आधुनिक मञ्च बनाइएको छ । प्रदेश नम्बर २ का भौतिक पूर्वाधार मन्त्रालयका सचिव कसन किशोर झाका अनुसार मन्च बनाउन १ करोड २६ लाख खर्चिएको छ ।

मोदीलाई अभिनन्दन गर्न सवा करोडको मञ्च नेपाल प्रहरी तथा सशस्त्र प्रहरीको विशेष सुरक्षा घेरामा बनाइएको हो ।