काठमाडौं। नेपाल टेलिकमले नयाँ वर्ष अफर ल्याउने भएको छ । उक्त अफर वैशाख १ गतेदेखि वैशाख १५ गतेसम्म लागू हुने कम्पनीले जनाएको छ ।
त्यस्तै अनलिमिटेड जीएसएम, सीडीएमए नाइट डाटा प्याकअन्तर्गत जीएसएम, सीडीएमए प्रिपेड, पोष्टपेड मोबाइलमा अनलिमिटेड नाइट डाटा प्याक प्रयोग गर्न सकिन्छ । अनलिमिटेड जीएसएम, सीडीएमए नाइट डाटा प्याकअन्तर्गत १५ रुपैयाँमा १ जीबी डाटा राती १० बजेदेखि बिहान ६ बजेसम्म चलाउन पाइने छ । डाटा खरिद गरेको एक दिनसम्म यसको अवधि हुनेछ । १ जीबी डाटा थ्रिजी÷फोरजीको गतिमा चल्ने छ र त्यसपछि २५६ केबीपीएसको गतिमा चल्ने छ ।
एडीएसएल भोलुम बेस्ड प्याकेजअन्तर्गत टेलिकमले ५ एमबीपीएससम्म गतिको एडीएसएल इन्टरनेट सेवा उपलब्ध गराइहेको छ । एडीएसएल भोलुम वेस्ड प्याकेज अन्तर्गत २ सय रुपैयाँमा १५ जीबी डाटा ३० दिनसम्म प्रयोग गर्न सकिने छ । त्यस्तै ३ सय रुपैयाँमा २५ जीबी डाटा र ४ सय रुपैयाँमा ४० जीबी डाटा ३० दिनसम्म प्रयोग गर्न सकिने छ ।
एडीएसएल अनलिमिटेड प्याकेजमा नेपाल टेलिकमले ५ एमबीपीएससम्म गतिको अनलिमिटेड एडीएसएल इन्टरनेट सेवा उपलब्ध गराइहेको छ । एडीएसएल अनलिमिटेड प्याकेजअन्तर्गत ७ सय रुपैयाँमा अनलिमिटेड डाटा ३० दिनसम्म प्रयोग गर्न सकिने छ । त्यसैगरी ३ हजार ७ सय ५० रुपैयाँको प्याकेजमा अनलिमिटेड डाटा १ सय ८० दिन सम्म र ७ हजार रुपैयाँको प्याकेजमा अनलिमिटेड डाटा ३ सय ६० दिनसम्म प्रयोग गर्न सकिने छ ।
विभिन्न प्याकेज प्राप्त गर्न ग्राहकले स्ट्रिक १४१५ ह्यास डायल गर्नु पर्नेछ । त्यसैगरी कम्पनीको वेबसाइटमार्फत् पनि जानकारी लिन सकिने कम्पनीले जनाएको छ ।
Comment