बैंक अफ काठमाण्डूले लाभांश दिने

काठमाडौं। बैंक अफ काठमाण्डू लिमिटेडले गत आर्थिक वर्षको मुनाफाबाट लगानीकर्तालाई १३ दशमलव २५ प्रतिशत बोनस शेयर वितरण गर्ने भएको छ । बैंकको ६२ औँ संचालक समितिको बैठकले उक्त लाभांश प्रस्ताव गरेको हो ।

बैंकको सञ्चालक समितिले प्रस्ताव गरेको उक्त लाभांश राष्ट्र बैंकको स्वीकृति पश्चात बैंकको आगामी साधारण सभाले पारित गरेपछि मात्रै लगानीकर्ताले पाउनेछन् ।

हाल बैंकको चुक्ता पूँजी ६ अर्ब २४ करोड रुपैयाँ छ । बोनसपछि बैंकको चुक्ता पूँजी ७ अर्ब ७ करोड २८ लाख रुपैयाँ मात्र पुग्नेछ ।