काठमाडौँ। नेपाल पुनर्बीमा कम्पनी लिमिटेडले विभिन्न पदमा २१ जना कर्मचारीको लागि आवेदन माग गरेको छ । आज गोरखापत्रमा सार्वजानिक सुचना नै जारी गरेर निकालिएको विज्ञापनमा स्वीपर श्रेणी विहिन देखि सदस्य सचिव सम्मको आवेदन माग गरिएको छ ।
कम्पनीले सीमित खुल्ला अन्तर्गत आठौं तहका लागि एक जना चार्टर्ड एकाउन्टेण्ट कम्पनी सदस्य सचिवको आवेदन माग गरेको छ । जसका लागि मान्यताप्राप्त शिक्षणसंस्थाबाट चार्टर्ड एकाउन्टेण्ट उत्तीर्ण गरेको तथा व्यवस्थापनमा स्नातकोत्तर गरेको हुनुपर्ने बताइएको छ । त्यस्तै छैंठौं तह अन्तर्गत पुनर्बीमा अधिकृतको लागि सीमित खुल्ला ३, खुल्ला तथा महिला ११ गरी ५ जनाको दरखास्त आव्हान गरिएको छ । जसका लागि आवेदकले मान्यताप्राप्त शिक्षणसंस्थाबाट व्यवस्थापन, जनप्रशासन तथा अर्थशास्त्रमा प्रथम श्रेणीमा स्नातकोत्तरको उपाधी हासिल गरेको हुनुपर्ने उल्लेख गरिएको छ ।
पाँचौ तह सहायक प्रथमका लागि ११ जनाको दरखास्त आव्हान गरेको कम्पनीले सीमित खुल्ला ६, खुल्ला ३ तथा महिला र जनजातिको लागि ११जना माग गरेको छ । चौथो तह सहायक द्धितीयको लागि पनि १ जना मागिएको छ । यी दुवैमा आवेदन दिन आवेदकले मान्यताप्राप्त शिक्षणसंस्थाबाट कम्तीमा स्नातकको उपाधी हासिल गरेको हुनुपर्ने छ ।
त्यस्तै श्रेणीविहिन सवारी चालक, श्रेणीविहिन कार्यालय सहयोगी र श्रेणीविहिन स्वीपर १ १ जनाको आवेदन माग गरेको छ । यी पदमा दरखास्त दिन एसएलसी उत्तीर्ण गरी सम्बन्धित काममा दक्ष हुनुपर्ने बताइएको छ ।
अन्य जानकारीको लागि कम्पनिको वेभसाइट www.nepalre.com.np मा हेर्नसक्नु हुनेछ ।
Comment