काठमाडौं । नेप्सेले नेप्सेमा सूचिकरण भएका कम्पनीहरुलाई समयमै नविकरण शुल्क बुझाउन आग्रह गरेको छ । नेप्सेले धितोपत्र कारोबार नियमावली बमोजिम सूचिकरण नविकरण शुल्क आश्विन मसान्तसम्ममा बुझाउन निर्देश गरेको छ ।
सूचिकृत कम्पनीहरुले बार्षिक सूचिकरण नविकरण शुल्क आश्विन मसान्तसम्ममा बुझाईसक्नु पर्ने व्यवस्था रहेको छ । समयभित्रै नविकरण नगराउने कम्पनीको शेयर कारोबार स्थगन गर्ने चेतावनि समेत दिएको छ ।
धितोपत्र कारोबार नियमावली अनुसार एक करोड रुपैयाँसम्म चुक्तापूँजी भएका कम्पनीले १५ हजार, एक करोडदेखि ५ करोडसम्म पूँजी भएकाले २५ हजार, ५ करोड देखि १० करोडसम्म भएकाले ३५ हजार र १० करोड माथि पूँजी भएकाले ५० हजार रुपैयाँ सूचिकरण नविकरण शुल्क बुझाउनुपर्ने व्यवस्था रहेको छ ।
नेप्सेले सूचिकृत कम्पनीलाई नविकरण शुल्क ग्लोबल आइएमई बैंकमा रहेको नेप्सेको खातामा जम्मा गर्न समेत भनेको छ ।
Comment