मेगा बैंकको हकप्रद भदौ २७ देखि

काठमाडौं। मेगा बैंक नेपाल लिमिटेडले १० बारबर ६.५ अनुपातको हकप्रद शेयर भदौ २७ गतेदेखि निष्काशन गर्ने भएको छ । बैंकले सय रुपैयाँ अंकित दरले २ करोड ९७ लाख ८५ हजार ३४ दशमलव ६३ कित्ता हकप्रद शेयर निष्काशन गर्न लागेको हो ।

उक्त हकप्रद शेयरमा असोज ३० गतेसम्म आवेदन दिन सक्नेछन् । बैंकको हकप्रद शेयर निष्काशन तथा बिक्री प्रवन्धकमा नबिल इन्भेष्टमेण्ट बैंकिङ् लिमिटेड रहेको छ ।

लगानीकर्ताले नबिल इन्भेष्टमेण्ट बैंकिङ् लिमिटेड नक्साल र मेगा बैंकका सम्पूर्ण शाखा कार्यालयबाट आवेदन दिन सक्नेछन् ।

हकप्रद निश्कासनपछि बैंकको चुक्तापुँजी ७ अर्ब ५६ करोड ८ लाख रुपैयाँ पुग्ने छ । यसैबीच बैंकले टुरिजम डेभलपमेन्ट बैंकलाई प्राप्ति गर्ने प्रक्रिया पनि अघि बढाएको छ ।