सेयर कारोबार गर्ने इन्भेष्टमेन्ट कम्पनीलाई बोर्डमा दर्ता हुन निर्देशन

काठमाडौं। नेपाल धितोपत्र बोर्ड (सेबोन)ले इन्भेस्टमेन्ट कम्पनीहरुलाई सूचीकृत हुन आउन निर्देशन दिएको छ। बोर्डले शुक्रबार एक सूचना जारी गर्दै इन्भेष्टमेन्ट कम्पनीहरुलाई बोर्डमा सूचीकृत हुन निर्देशन दिएको हो।

बोर्डले सम्पत्ति शुद्धीकरण निवारण नियमावली, २०५१ को नियम २० को व्यवस्था बमोजिम इन्भेष्टमेन्ट कम्पनीहरुलाई धितोपत्र बोर्डमा सूचीकृत हुन निर्देशन दिएको जनाएको छ।

नेपाल राजपत्रमा गत पुस १८ गते प्रकाशित नेपाल सरकार, प्रधानमन्त्री तथा मन्त्रिपरिषद्को कार्यालयको सूचना १ बमोजिम नेपाल सरकारले सम्पत्ति शुद्धीकरण निवारण ऐन, २०६४ को दफा ७ न. को उपदफा ९२० ले दिएको अधिकार प्रयोग गरी समन्वय समितिको सिफारिसमा ५ करोड रुपैयाँ वा सोभन्दा बढी चुक्ता पूँजी वा १० करोड रुपैयाँ वा सोभन्दा बढी कारोबार भएका इन्भेष्टमेन्ट कम्पनीको हकमा बोर्डलाई नियमनकारी निकाय तोक्ने निर्णय गरेको थियो।

यस्ता छन् आवश्यक विवरण

१. बोर्डमा सूचिकृत हुनका लागि निवेदन पत्र

२. संचालक समितिको विवरण (नाम, ठेगाना, सम्पर्क नम्बर तथा सेयरधनीको लगत)

३. कम्पनीको अद्यावधिक प्रबन्धपत्र तथा नियमावली
४. कम्पनी अद्यावधिक दर्ता प्रमाण पत्र५. स्थायी लेखा नम्बर दर्ताको प्रमाण पत्र६. कार्यकारी प्रमुखको विवरण ९ नाम, ठेगाना, सम्पर्क नम्बर०

७।कम्पनीको सञ्चालक समितिबाट बोर्डमा सूचिकृत हुने सम्बन्धमा भएको निर्णयको प्रतिलिपि

८. कम्पनीको सञ्चालक समितिबाट बोर्डमा सूचिकृत हुने सम्बन्धमा दिएको अख्तियारी
९. कम्पनीको वार्षिक कारोबार समेत खुल्ने लेखापरीक्षण भएको वित्तीय विवरण तथा लेखापरीक्षण प्रतिवेदन

१०. कम्पनीको चुक्ता पूँजी खुल्ने कागजात तथा विवरण