बागमती प्रोस्कुन पत्रकारिता पुरस्कार सम्पादक खड्कालाई

काठमाडाैं । बागमती प्रदेश बचत तथा ऋण सहकारी संघ (बागमती प्रोस्कुन)ले नेपालपत्र न्यूज डटकमका सम्पादक माधव खड्कालाई सहकारी पत्रकारिता पुरस्कार प्रदान गर्ने भएको छ । संघले आयोजना गरेको चौंथो वार्षिक उत्सव कार्यक्रममा खड्कालाई पत्रकारिता पुरस्कार गर्ने घोषणा गरेको हो ।

पत्रकारिताका माध्यमबाट सहकारी क्षेत्रको विकास र प्रवद्र्धनमा निरन्तर कलम चलाएको भन्दै यस वर्षको पत्रकारिता पुरस्कार सम्पादक खड्कालाई दिने बागमती प्रोस्कुनले जनाएको छ ।

संघले आगामी साधारण सभामा घोषित पुरस्कार तथा सम्मान प्रदान गर्ने भएको छ । नेपाल सहकारी पत्रकार समाजका कोषाध्यक्ष समेत रहेका खड्का विगतको दशकदेखि पत्रकारिता गर्दै आएका छन् ।