नबिल बैंककाे सीईओमा ढुङ्गाना पुन : नियुक्त

अर्थबजार संवाददाता

३ जेष्ठ २०८१, बिहीबार १२:४७

काठमाडौं । नबिल बैंकले प्रमुख कार्यकारी अधिकृत(सीईओ) पदमा ज्ञानेन्द्र प्रसाद ढुङ्गानालाई पुन : नियुक्त गरेको छ । कम्पनीको गत जेठ २ गते बसेको सञ्चालक समितिको बैठकले आगामी असार १७ गतेदेखि लागू हुने गरि थप दुई वर्षको लागि उनलाई सीईओमा पुन : नियुक्त गर्ने निर्णय गरेको हो ।

बैंकिङ्ग क्षेत्रको व्यवस्थापन तह तथा नेतृत्वदायी भूमिकामा रही २५ वर्षभन्दा बढी लामो अनुभव भएका ढुङ्गानाले यसभन्दा अगाडि नेपाल बङ्गलादेश बैंक लिमिटेडको प्रमुख कार्यकारी अधिकृतका रूपमा १० वर्षसम्म नेतृत्व गरेका थिए ।