कांग्रेसले उठाएको माग पार्टीगत नभई लाखौँ सहकारी पीडितको अर्बौँ बचत हिनामिनाको विषय होः देउवा « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थबजार स्टोरी

कांग्रेसले उठाएको माग पार्टीगत नभई लाखौँ सहकारी पीडितको अर्बौँ बचत हिनामिनाको विषय होः देउवा

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौँ । नेपाली कांग्रेसका सभापति शेरबहादुर देउवाले सहकारीको मुद्दा पार्टीगत नभएको बताएका छन् ।

आइतबार बसेको संसदीय दलको बैठकमा कांग्रेसले उठाएको माग पार्टीगत नभई लाखौँ सहकारी पीडितको अर्बौँ बचत हिनामिनाको विषय भएको बताएका छन् ।

‘यस्तो गम्भीर विषयलाई संसदीय छानबिन समिति बनाई यथार्थ विषयवस्तु बाहिर ल्याउन माग गरिएकोमा यसलाई सरकारले छल्ने उद्देश्यले संसद् नै बन्द गर्ने निर्णय गरेको छ,’ देउवाले बैठकमा भने ।

आइतबारदेखि गरिएको संसद् बैठक अन्त्यले सरकार सहकारी पीडितका पक्षमा नभएको देउवाले बताए ।

सरकार सुशासनको पक्षमा नरहेको र गैर जिम्मेवारी रूपमा प्रस्तुत भएको संसद् बैठक अन्त्यले पुष्टि गरेको उनले बताए ।

सहकारी पीडित र सुशासनको पक्षमा दृढतापूर्वक उभिएर आवाज उठाइरहन उनले सांसदहरूलाई निर्देशन दिए ।

प्रकाशित : ३ बैशाख २०८१, सोमबार १३:०८ 15 April, 2024 1:08 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।