राष्ट्रिय सहकारी बैंक भन्छ- अध्यक्ष अल्सरकाे उपचारका लागि भारतमा छन् « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थबजार स्टोरी

राष्ट्रिय सहकारी बैंक भन्छ- अध्यक्ष अल्सरकाे उपचारका लागि भारतमा छन्

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

ललितपुर । राष्ट्रिय सहकारी बैंकका अध्यक्ष केबी उप्रेती उपचारकालागि भारतमा रहेका छन् । बैंकको फागुन ३० गते बसेको सञ्चालक समितिको वैठकमा अध्यक्ष उप्रेतीले भर्चुअलरुपमा सहभागीता जनाउँदै आफू उपचारकै क्रममा रहेको बताएका छन् ।

अध्यक्ष उप्रेतीको स्वास्थ्यमा समस्या आए पछि केही समयदेखि भारतमा उपचार गराइरहेको बैंकले जनाएको छ । अध्यक्ष उप्रेती स्वास्थ्यमा सुधार भइसकेपछि जिम्मेवारीमा फर्कने बैंकले जनाएको छ ।

लामो समयदेखि अल्सर लगायतको समस्या भोगीरहेका उप्रेती नियमित स्वास्थ्य परिक्षण गराउँदा बढी नै समस्या देखिएकाले स्वास्थ्यकर्मीको निगरानीमा उपचार गराइरहेको जनाइएको छ । उप्रेतीले स्वास्थ्य उपचारका कारण आफ्नो जिम्मेवारी रहेको ठाउँमा समय दिन नसकेको र अब छिटै नियमित काममा फर्कने बताएको बैंकले जनाएको छ ।

बैंकको मासिक नियमित वैठकमा अध्यक्ष उप्रेती भर्चुअल माध्यमबाट सहभागी भई बैठकको अध्यक्षता गरेको बैंकका प्रमुख कार्यकारी अधिकृत बद्री कुमार गरागाईले जानकारी दिए । वैठकले बैंकको वित्तीय अवस्था, ऋण असुली लगायतका विषयमा निर्णय गर्नुका साथै सहकारीहरुको ऋण असुलीमा सहयोग पुग्ने गरी कार्ययोजना बनाएर सहजीकरण गरिने प्रमुख कार्यकारी अधिकृत गुरागाईले बताए ।

प्रकाशित : ३० फाल्गुन २०८०, बुधबार १८:५५ 13 March, 2024 6:55 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।