विभिन्न संस्थाले सार्वजनिक गरेका रिपोर्टहरूमा उल्लेख गरिएको हुन्छ– अहिले विश्वको कुल सम्पत्तिमध्ये आधा त विश्वका धनी आठ व्यक्तिहरूको सम्पत्ति हो । यही सूचीमा माइक्रोसफ्टका संस्थापक बिल गेट्सको पनि नाम सामेल छ । गेट्सको कुल सम्पत्ति ९१.६ बिलियन डलर हो । गेट्स सबैभन्दा धेरै च्यारिटी गर्ने व्यक्तिमा पनि पर्छन् । उनले बिल एन्ड मेलिन्डा फाउन्डेसनका लागि २८ बिलियन डलर अनुदान दिएका छन् । तिनै बिल गेट्सका १० विचार, जसले इन्स्पायर गर्न सक्छन् :
१. यदि तपार्इं गरिब जन्मिनुभएको हो भने त्यो तपार्इंको कुनै गल्ती होइन । तर, यदि तपार्इं गरिब नै मर्नुभयो भनेचाहिँ त्यो तपार्इंकै गल्ती हो ।
२. यदि तपाईं कुनै पनि कुरा अत्यन्त राम्रोसँग गर्न सक्नुहुन्न भने त्यसलाई राम्रो देखाउने प्रयासचाहिँ गर्नुहोस् ।
३. यदि तपार्इंलाई तपाईंको शिक्षक ठीक छैन भन्ने लागिरहेको छ भने केही समय पर्खनुहोस्, मालिकलाई भेटेपछि शिक्षकबारे धारणा बनाउनुहोस् ।
४. यदि तपार्इंसँग पैसा छ भने तपार्इं विश्वको कुनै पर्वाह गर्नुुहुन्न । तर, तपाईंसँग पैसा छैन भने याद गर्नुहोस्, विश्वले तपार्इंको पर्वाह गर्ने छैन ।
५. सफलताको खुसी मनाउनुहोस्, तर तपार्इंले आफ्नो असफलताबाट पनि सिक्न नछोड्नुहोस् ।
६. नयाँ विषय तथा वस्तुसँग मानिसहरू डराउँछन् र कालान्तरमा त्यसलाई स्वीकार पनि गर्छन् । विद्युत् नै पनि यसको उदाहरण हो।
७. यदि तपाईंले केही बढी गर्नुपर्ने छ भने याद गर्नुहोस्, तपार्इंले रिस्क पनि लिनुपर्छ ।
८. कुनै पनि अप्ठ्यारो काम गर्नुपर्नेछ भने अल्छीहरूलाई छान्नुहोस्, उनीहरू काम गर्नका लागि अत्यन्त सहज तरिका छान्छन् ।
९. आफैँलाई दोस्रो कुनै पनि व्यक्तिसँग तुलाना नगर्नुहोस् । यसो गर्दा तपाईंको आत्मविश्वास कमजोर हुन्छ ।
१०. सफल नेतृत्व त्यसलाई मात्र मानिन्छ, जसले आवश्यक परेकालाई सहयोग गर्न कुनै अप्ठ्यारो मान्दैन ।
Comment