कृष्णकुमार श्रेष्ठ साकोस अभियानको उत्कृष्ट व्यवस्थापक

चन्द्रागिरि बचत तथा ऋण सहकारी संस्था, थानकोट काठमाडौंका प्रमुख कार्यकारी अधिकृत कृष्णकुमार श्रेष्ठ उत्कृष्ट व्यवस्थापक रुपमा सम्मानित भएका छन् ।

नेपाल बचत तथा ऋण केन्द्रीय सहकारी संघ (नेफ्स्कुन) को ३२औं वार्षिक साधारण सभामा श्रेष्ठलाई नेपालभरीको साकोस अभियानको उत्कृष्ट व्यवस्थापकको रुपमा प्रशंसा पत्र र नगदसहित पुरस्कृत गरिएको हो।

नेफ्स्कुनले ३६औं स्थापना दिवसको अवसरमा श्रेष्ठलाई उत्कृष्ट व्यवस्थापकको रुपमा घोषित गरेको थियो । सहकारी क्षेत्रमा २३ वर्षदेखि सकृय श्रेष्ठले विभिन्न बचत तथा ऋण सहकारी संस्थाको व्यवस्थापकको रुपमा काम गरेका छन् ।

श्रेष्ठ सहकारी क्षेत्रका प्रखर व्यक्तित्वको रुपमा परिचित छन् । उनी सहकारी क्षेत्रको वित्तीय योजना र मानव संशाधन व्यवस्थापनमा पनि विशेष दख्खल राख्छन् । यस अघि सन् २०११ मा पनि उनी नेफ्स्कुनबाटै उत्कृष्ट व्यवस्थापकका रुपमा सम्मानित भइसकेका छन् ।