झिलिमिली हाटबजारमा चन्द्रागिरि साकोसको चिनी स्टल, ११५ रुपैया केजीमा उपलब्ध गराउने

चन्द्रागिरि बचत तथा ऋण सहकारी संस्थाले झिलिमिली हाटबजारमा चिनीको स्टल राखेको छ । संस्थाले सदस्यहरुलाई सहुलियत दरमा चिनी उपलब्ध गराउने उदेश्यले चिनीको स्टल राखेको हो ।

तिहार नजिकिँदै गरेको परिप्रेक्ष्य र बजारमा चिनीको चरम अभाव रहेको अवस्थामा थोरै भएपनि राहत पु¥याउन सकियोस भन्ने उद्देश्यले चिनीको स्टल राखेको संस्था जनाएको छ । चन्द्रागिरि न.पा. वडा नं ६ र ७ तथा झिलिमिली हाट बजार व्यवस्थापन समितिसंगको समन्वयमा संस्थाले साकोसले चिनीको स्टल राखेको हो ।

सदस्यहरुले कार्तिक २३ गते देखि २५ गते सम्म उक्त स्टलमा गएर चिनी किन्न सक्ने संस्थाले जानकारी दिएको छ ।
सर्वसाधारणलाई प्रतिकेजी रु ११५ का दरले रु २ सय र ५सयको प्याकेटमा चिनी उपलब्ध उपलब्ध गराइने संस्थाका प्रमुख कार्यकारी अधिकृत कृष्ण कुमार श्रेष्ठले बताए । आवश्यक हुने सदस्य र सर्वसाधारणले चन्द्रागिरि साकोसको उक्त स्टलमा गएर चिनी खरिद गर्न सकिने उनको भनाई छ ।