वैदेशिक रोजगार बीमामार्फत उठ्यो करीब ४५ करोड बीमाशुल्क संकलन

काठमाडौं। जीवन बीमा कम्पनीहरुले वैदेशिक रोजगार बीमालेखमार्फत ४४ करोड ८२ लाख १२ हजार रुपैयाँ बीमाशुल्क उठाएका छन् । नेपाल बीमा प्राधिकरणले सार्वजनिक गरेको तथ्याङ्कअनुसार १० वटा जीवन बीमा कम्पनीले१७ लाख ४ हजार ७३ वटा बीमालेख बिक्रीमार्फत सो बराबरको बीमाशुल्क उठाएका हुन् ।

चालु आर्थिक वर्षको भदौ मसान्तसम्म सबैभन्दा बढी सन नेपाल लाइफ इन्स्योरेन्सले १० करोड ५० लाख रुपैयाँ वैदेशिक रोजगार बीमालेखमार्फत बीमाशुल्क संकलन गरेको छ ।

त्यस्तै, नेपाल लाइफले ९ करोड ५९ लाख, आइएमई लाइफले ६ करोड १२ लाख, सूर्यज्योति लाइफले ३ करोड ७२ लाख, नेशनल लाइफले ३ करोड ५२ लाख, रिलायबल नेपाल लाइफले ३ करोड ४२ लाख, सानिमा रिलायन्स लाइफले २ करोड ९१ लाख, एशियन लाइफले २ करोड ७० लाख, सिटिजन लाइफले २ करोड २४ लाख र प्रभु महालक्ष्मी लाइफले ७ लाख रुपैयाँ प्रिमियम संकलन गरेका छन् ।