सेबाेन अध्यक्ष हमाल भन्छन्ः शेयरमा बुझेर मात्र लगानी गर्नुहोस् ,डुबेपछि सरकारले उद्दार गर्छ भन्ने भ्रम नख्नुस् « Devoted for Economic Devlopment, आर्थिक विकासको लागि समर्पित
५ मंसिर २०८३, शनिबारSaturday, November 21, 2026

शेयर बजार

सेबाेन अध्यक्ष हमाल भन्छन्ः शेयरमा बुझेर मात्र लगानी गर्नुहोस् ,डुबेपछि सरकारले उद्दार गर्छ भन्ने भ्रम नख्नुस्

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडाै । नेपाल धितो पत्र बोर्डका अध्यक्ष रमेश कुमार हमालले हमालले बुझेर र कम्पनीबारे अध्ययन गरेर मात्र शेयरमा लगानी गर्न आग्रह गरेका छन् । बजार बढ्दा माख्ख पर्ने र घट्दा गाली गर्ने प्रवृति बढेको भन्दै उनले बताए ।

सर्वसाधारणलाई जारी गरिने सेयरमा १० कित्ते नीति लागू गर्दा लगानीकर्ता फस्ने काम भएको उनले बताए । १० कित्ते नीतिका कारण कम्पनीको अवस्था नहेरी आईपीओ भर्दा समस्या आएको बताउदै उनले सेयर बजार सम्बन्धी कुनै जानकारी नभएका व्यक्ति दोस्रो बजारमा छिर्दा पनि अन्य लगानीकर्ताहरू फस्ने काम भएको बताएका छन् । बुझ्दै नबुझेका मान्छे सेयर बजारमा आएका छन अनि डुबेपछि सरकारले उद्दार गरोस् भन्ने अपेक्षा राख्छन् ।

बुधबार नयाँ स्टक ब्रोकर कम्पनीहरुको स्वागत एवं प्रशिक्षण कार्यक्रममा बोल्दै उनले १० कित्ते नीतिका कारण अन्य लगानीकर्ताहरु फस्ने काम भएको बताए ।
पौडी खेल्न नजान्नेले खोलामा हाम फाल्ने अनि डुबेपछि सरकारलाई, सेबोनलाई गाली गर्ने ? आईपीओ भन्दैमा सबै कम्पनीमा सबैले आवेदन दिने हो र ? सेयर भर्नु अघि कम्पनी हेर्नुपर्दैन ?’,अध्यक्ष हमालले प्रतिप्रश्न गरे । नेपालको पुँजी बजारलाई अनुशासित र प्रतिस्पर्धिका साथै गुणस्तर एवं न्यून लागतको सुनिश्चित तापनि आवश्यक रहेको बताए ।

उनले हाइड्रोको बिकृति रोक्न अध्ययन भइसकेको र हकप्रद सेयरको औचित्यबारे पनि आवश्यक अध्ययन भइरहेको बताए । साथै उनले पुँजीबजारमा रियल सेक्टरको अवस्थाबारे पनि अध्ययन सुरु गरेको बताएका थिए । उनले अहिलेकाे नयाँ कानुन तथा नियमावली भित्र रहेर काम गर्नु पर्ने र लगानी कर्तालाई बढी बुझाउनु पर्ने आवश्यकता रहेको बताए । लगानीकर्तालाई बुझाउने विषयमा सबैले काम गर्नु पर्ने उनको भनाई थियो । उनले अधिक कम्पनीलाई पब्लिक कम्पनीमा जान पाेत्साहन गर्नु पर्ने पनि बताए।

उनले ब्रोकरको संख्या थपेर लागत कम गर्ने उदेश्य रहेको बताए । ब्रोकरको संख्या थपेर प्रतिस्पर्धा भएपछि लागत कम हुने र गुणस्तर बढ्ने उनको भनाई थियो । ब्रोकरले स्वस्थ प्रतिस्पर्धा गरुन् र त्यसको लाभ्लागनिकर्ताले लिउन् भन्ने बोर्डको देश्य रहेको उनले उल्लेख गरे ।

उनले आफुले सुरु गरेका केहि कामको विरोध भएपनि ति सबै काम लगानीकर्ताको हितको लागि भएको प्रष्ट पारे । उनले कुनै पनि नीति पर्फेक्ट नहुने भन्दै हरेक नीतिले कोशीलाई फाइदा र कोहिलाई घाटा गर्ने बताए ।

प्रकाशित : २४ श्रावण २०८०, बुधबार १८:१२ 9 August, 2023 6:12 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।