माैद्रिक नीतिले अहिलेको अर्थतन्त्र चलाएमान बनाउन महत्वपुर्ण भुमिका खेल्छः प्रा.डा. गोविन्द नेपाल « Devoted for Economic Devlopment, आर्थिक विकासको लागि समर्पित
५ मंसिर २०८३, शनिबारSaturday, November 21, 2026

अर्थबजार स्टोरी

माैद्रिक नीतिले अहिलेको अर्थतन्त्र चलाएमान बनाउन महत्वपुर्ण भुमिका खेल्छः प्रा.डा. गोविन्द नेपाल

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

राष्ट्र बैंकले सार्वजनिक गरेको चालु आर्थिक वर्ष २०८०/८१ को मौद्रिक नीति खासगरी समग्र नितिगत रुपमा लिएका कुराहरुलाई हेर्दा ठुला कर्जाहरुको प्रभावकारी सुपरिवेक्षण गर्ने कुरा एकदमै राम्रो लागेको छ । जुन एकदमै आवश्यक थियो । कोभिडको बेलामा प्रवाह भएको कर्जा सेयर, घरजग्गामा लगानी भएकाले यसले वास्तविक क्षेत्र प्रयोग हुनसकेको थिएन् । यसलाई अहिलेको मौद्रिक नितिले यसलाई समेटेको छ । त्यसैगरी, कर्जाको केन्द्रिकरण भएको थियो । अहिले केहि ठुला हाउसहरुमा कर्जा केन्द्रिकरण भएको छ ।

केहि घरनाहरुले मुलुक ठुलो कर्जाको हिस्सा लिएको अवस्था थियो । त्यो अवस्था राम्रो हैन भन्ने कुरालाई स्वीकारेर राष्ट्र बैंकले कर्जा केन्द्रिकरण हुन नदिने निति ल्याएको छ । साथै, मझौला साना व्यवसायीहरुलाई कर्जामा प्राथमिकता दिने भनेर निति ल्याएको छ । जुन एकदमै महत्वपुर्ण छ । उत्पादन बढाउन कर्जाको लगानीलाई प्रोसाहन गर्ने निति ल्याएको छ । त्यो अहिलेको अर्थतन्त्र चलाएमान बनाउन महत्वपुर्ण भुमिका खेल्ने देखिन्छ ।

यो मौद्रिक नितिबाट मैले नबुझेको कुरा व्यक्तिगत घर निर्माणका लागि आवासीय घर कर्जा भनेर २ करोड पुर्याएको छ। त्यो किन भनेको मैले बुझ्न सकेको छैन् । यसले उत्पादनमा कस्तो असर पर्छ ? यो त्यति ठुलो उत्पादक क्षेत्र त हैन् । तर पनि यस क्षेत्रमा कर्जा प्रवाह गर्न प्रोसाहन गरेको मैले त्यो बुझ्न सकेको छैन् । समग्रमा हेर्दा नितिगत रुपमा मौद्रिक निति ठिक छ कार्यन्वयनमा कसरी लगिन्छ त्यसमा भर पर्छ ।

प्रकाशित : ७ श्रावण २०८०, आइतबार १७:४१ 23 July, 2023 5:41 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।