सुनको मुल्य ५०० रुपैंयाले घट्यो, चाँदीको कति पुग्यो ?

काठमाडौं । साताको अन्तिम शुक्रबार सुनको मुल्य ओरालो लागेको छ । नेपाल सुनचाँदी व्यवसायी महासंघका अनुसार आज सुनको मुल्य तोलामा ५०० रुपैयाँले घटेको हो।

योसँगै छापावाल सुनको मुल्य प्रतितोला १ लाख ९ हजार २०० रुपैयाँ र तेजाबी सुनको मुल्य प्रतितोला १ लाख ८ हजार ७०० रुपैयाँ कायम भएको छ।

बिहीबार पनि छापावाल सुनको मुल्य प्रतितोला १ लाख ९ हजार ७०० रुपैयाँ र तेजाबी सुनको मुल्य प्रतितोला १ लाख ९ हजार २०० रुपैयाँमा किनबेच भएको थियो।

आज पनि चाँदीको मुल्य स्थिर रहँदै तोलाको १ हजार ३७० रुपैयाँ नै कायम भएको छ। अघिल्लो दिन पनि मुल्य स्थिर रहँदै चाँदी १ हजार ३७० रुपैयाँमै कारोबार भएको थियो।