लुम्बिनी विकास बैंकले पायो ऋणपत्र बिक्री गर्ने अनुमति

काठमाडौं । नेपाल धितोपत्र बोर्ड (सेबोन)ले १ अर्ब रुपैयाँको ऋणपत्र निष्कासन गर्न लुम्बिनी विकास बैंकलाई अनुमति दिएको छ। बोर्डले ‘एलबीबीएल डिबेन्चर–२०८९’ निष्कासन गर्न अनुमति दिएको हो।

सेबोनको अनुमतिसँगै अब लुम्बिनी विकास बैंकले १ हजार रुपैयाँ अंकित दरका कुल १० लाख इकाइ भएको ऋणपत्र बिक्री खुला गर्नेछ। कुल इकाइमध्ये बैंकले ६ लाख इकाइ व्यक्तिगत तबरबाट बिक्री गर्नेछ भने बाँकी ४ लाख इकाइको सार्वजनिक निष्कासन गर्नेछ।

यो १० वर्षे अवधिको ऋणपत्र हो। यसमा लगानीकर्ताले वार्षिक ११ प्रतिशत ब्याज पाउनेछन्। लुम्बिनी विकास बैंकको यो ऋणपत्रको बिक्री प्रबन्धकमा नबिल इन्भेस्टमेन्ट बैंकिङ रहेको छ।