सुनको मुल्य स्थिर, चाँदीको भने घट्यो

काठमाडौं। नेपाली बजारमा मंगलबार सुनको मुल्य स्थिर रहेको छ। नेपाल सुनचाँदी व्यवसायी महासंघका अनुसार आज छापावाल सुनको मुल्य प्रतितोला १ लाख १० हजार रुपैयाँ र तेजाबी सुनको मुल्य प्रतितोला १ लाख ९ हजार ५०० रुपैयाँ कायम भएको छ।

हिजो सोमबार पनि सुनको मुल्य स्थिर रहेको थियो। आज चाँदीको मुल्य तोलामा १५ रुपैयाँले घटेर १ हजार ४३५ रुपैयाँ कायम भएको छ। हिजो मुल्य स्थिर रहँदै चाँदी १ हजार ४५० रुपैयाँमा कारोबार भएको थियो।