सिद्धार्थ प्रिमियर इन्स्योरेन्सको सेयर मंगलबारबाट कारोबारमा आउने

काठमाडौं । मंगलबार सिद्धार्थ प्रिमियर इन्स्योरेन्स लिमिटेडको सेयर कारोबारमा आउने भएको छ। मर्जरपछि साबिक सिद्धार्थ इन्स्योरेन्स र प्रिमियर इन्स्योरेन्सको सेयर नेपाल स्टक एक्सचेन्ज (नेप्से)मा सोमबार सिद्धार्थ प्रिमियर इन्स्योरेन्सको नाममा सूचीकृत भएको हो।

नेप्सेमा दुवै कम्पनीको कुल १ करोड ८० लाख ६५ हजार ४९९ कित्ता सेयर सिद्धार्थ प्रिमियर इन्स्योरेन्सको नाममा सूचीकृत भएको छ। यी दुवै कम्पनी १ः१ सेयर स्वाप रेसियोमा मर्ज भएका हुन्। नेप्सेले सिद्धार्थ प्रिमियर इन्स्योरेन्सलाई ‘एसपीआईएल’ कारोबार संकेत प्रदान गरेको छ।

पहिलो कारोबारका लागि भने नेप्सेले प्रतिकित्ता ६३७.६१ रुपैयाँ तोकेको छ। अर्थात भोलिबाट यो कम्पनीको सेयर उक्त मूल्यबाट कारोबार सुरु हुनेछ।