नेप्से साढे ६५ अंकले घट्यो

काठमाडौं  १७ माघ। गत मंगलवारदेखि उच्च रुपमा घट्न थालेको नेप्से सोमवार ६५ दशमलव ४४ अंकले ओरालो लागेको छ । सो दिन सेयर बजार १ हजार ३ सय ९ दशमलव ७० अंकमा झरेर बन्द भएको छ । बैंक तथा वित्तीय संस्थले कर्जा व्याजदर उच्च रुपमा बढाएसँगै त्यसको असर सेयर बजारमा देखिएको जानकारहरु बताउँछन् ।
सोमवार कारोवारमा आएका सवै समूह ओरालो लागेको छ । सो दिन वीमा समुह सवैभन्दा बढी ५ सय ४६ दशमलव ५५ अंकले घटेको छ । त्यस्तै होटल १ सय २८ दशमलव ४८,जलविद्युत ७३ र सेयर बजारमा बढी प्रभाव रहेको बैंकिङ समुह ६० दशमलव ५५ अंकले ओरालो लागेको छ ।
त्यसैगरी विकास बैंक,फाइनान्स र अन्य समुह क्रमशः ४८ दशमलव ९९,३५ दशमलव ९२ र १५ अंकले घटेको छ । सोमवार १ सय २३ कम्पनी कारोवारमा आएका थिए । ती कम्पनीको ११ लाख २६ हजार कित्ता सेयरबाट ५३ करोड ६५ लाखको कारोवार भएको छ ।