अप्रिलियको ‘क्याच द रेन्बो’ राइड सम्पन्न

काठमाडौँ । अप्रिलियको आधिकारिक बिक्रेता दुगर ब्रदर एण्ड सन्स प्रा. लि.ले शनिबार क्याच द रेन्बो राइड सम्पन्न गरेको छ । बालकुमारीस्थित अप्रिलियको सोरुमबाट मानेदोभान, पनौतीसम्म राइड आयोजना भएको थियो ।

राइडमा सहभागीलाई शनिबार बिहान मानेदोभान, पनौतीको लागि राइडको आयोजना गरिएको थियो । यो राइडको थेम क्याच र रेन्बो राखिएको थियो । राइडको मूल सन्दर्भ चाहिँ हामीले हाम्रो देशको लोकल खाना, ठाउँ आदिलाई अन्वेषण गर्नु रहेको थियो ।

दुगर ब्रदरका डाइरेक्टर विजय महतोले ग्राहकहरूलाई एउटै परिवारमा समेटेर राइडको आयोजना गराएको बताए । राइडमा सहभागी ग्राहकहरूलाई मनोरञ्जन कार्यक्रम आयोजना गरिएको र अब छिटै भेस्पाको पनि राइड हुन गइरहेको कम्पनीको असिस्टेन्ट मार्केटिङ म्यानेजर अनिष खड्काले बताएका थिए ।