आरएमडीसी र साना किसान विकास लघुवित्तको शेयर कारोबार फुकुवा

काठमाडौं । नेपाल स्टक एक्सचेञ्ज (नेप्से)ले दुई वटा लघुवित्त वित्तीय संस्थाको शेयर कारोबार फुकुवा गरेको छ । बुधबार आरएमडीसी लघुवित्त वित्तीय संस्था र साना किसान विकास लघुवित्त वित्तीय संस्थाको शेयर नेप्सेले फुकुवा गरेको हो ।

नेप्सेले आधारभूत शेयरधनी बाहेकका अन्य शेयरधनीको शेयर कारोबार फुकुवा गरेको छ । आरएमडीसी लघुवित्त र साना किसान विकास लघुवित्त एकआपसमा मर्जरमा जानका लागि सम्झौता भएपनि कारोबार रोक्का भएको थियो । बुधबार भने फुकुवा भएको छ । दुवै संस्थाको भोली बिहीबारदेखि शेयर कारोबार हुनेछ ।