काठमाडौं। नेपाल स्टक एक्सचेञ्ज (नेप्से) साताको कारोबारको अन्तिम दिन बिहीबार दोहोरो अंकले ओरालो लागेको छ । आज नेप्से २३.५२ अंकले घटेर एक हजार ८ सय ९३ दशमलब ७१ विन्दुमा झरेर बन्द भएको हो । आज सेन्सेटिभ इण्डेक्स ४.१७ अंक घटेको छ भने फ्लोट इण्डेक्स १.४३ अंक घटेको छ । साथै, सेन्सेटिभ फ्लोट इण्डेक्स १.३० अंक घटेको छ।
त्यस्तै, अघिल्लो दिनको तुलनामा आज कारोबार रकममा पनि गिरावट आएको छ । नेप्सेमा एक अर्ब ११ करोड ९४ लाख ६१ हजार रुपैयाँ बराबरको कारोबार भएको छ । बुधबार नेप्सेमा एक अर्ब ४० करोड ७३ लाख रुपैंया बराबरको कारोबार भएको थियो ।
आज कारोबार भएका २२६ कम्पनीमध्ये १३ वटा कम्पनीको शेयरमूल्य बढेको छ भने १७१ वटा कम्पनीको शेयरमूल्य घटेको छ । साथै, एक कम्पनीको शेयरमूल्य स्थिर रहेको छ ।
यसमध्ये एक कम्पनीको शेयरमूल्यमा उच्च वृद्धि भएको छ । जसमा मन्दाकीनी हाइड्रोपावर लिमिटेडको शेयरमुल्य ३.९२ प्रतिशतले बढेर प्रतिकित्ता ३३१.५० रुपैंया रहेका छन् ।
नेप्सेका अनुसार आज अप्पर हेवाखोला हाईड्रोपावर कम्पनीको शेयरमूल्यमा सर्वाधिक गिरावट आएको छ । यसको शेयरमूल्य ६ प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी शिवम सिमेन्टको भएको छ । यसको आज १० करोड २२ लाख ३५ हजार भन्दा बढीको कारोबार भएको छ ।
Comment