काठमाडौं। नेपाल स्टक एक्सचेञ्ज (नेप्से) साताको कारोबारको चाैथाे दिन बुधबार दोहोरो अंकले गिरावट आएको छ । आज नेप्से ३९.१५ अंकले घटेर एक हजार ९ सय १७ दशमलब २२ विन्दुमा बन्द भएको हो ।
आज सेन्सेटिभ इण्डेक्स ७.६८अंक घटेको छ भने फ्लोट इण्डेक्स २.६८ अंक घटेको छ । साथै, सेन्सेटिभ फ्लोट इण्डेक्स २.७९ अंक घटेको छ।
त्यस्तै, यता आज कारोबार रकममा भने सामान्य सुधार देखिएको छ । नेप्सेमा एक अर्ब ४० करोड ७३ लाख ९५ हजार रुपैयाँ बराबरको कारोबार भएको छ । आज कारोबार भएका २२३ कम्पनीमध्ये ४ वटा कम्पनीको शेयरमूल्य बढेको छ भने १८१ वटा कम्पनीको शेयरमूल्य घटेको छ ।
यसमध्ये आज एक कम्पनीको शेयरमूल्यमा उच्च वृद्धि भएको छ । जसमा अप्पर हेवाखोला हाइड्रोपावर कम्पनीको शेयरमुल्य ७.४२ प्रतिशतले बढेर प्रतिकित्ता ३९१ रुपैंया पुगेको छ ।
नेप्सेका अनुसार आज एक्सेल डेभलपमेन्ट बैंक, गुरासँ लघुवित्त वित्तिय संस्था, उपकार लघुवित्त वित्तिय संस्था, प्रोगेशिभ फाइनान्स, सप्तकोशी डेभलपमेन्ट बैंकको शेयरमूल्यमा सर्वाधिक गिरावट आएको छ । यसको शेयरमूल्य ७ प्रतिशत भन्दा बढीले घटेको हो ।
त्यस्तै, कारोबारको आधारमा आज सबैभन्दा बढी नेष्डो समृद्ध लघुवित्त वित्तीय संस्थाको भएको छ । यसको आज ६ करोड ७८ लाख २७ हजार भन्दा बढीको कारोबार भएको छ ।
Comment