पीपीए तत्काल खोल्नु पर्छः इपान अध्यक्ष

काठमाडौं। स्वतन्त्र ऊर्जा उत्पादकहरूको संस्था (इपान) नेपालका अध्यक्ष कुष्ण प्रसाद आर्चायले विद्युत् खरिद–बिक्री सम्झौता (पीपीए) खोल्नु पर्ने बताएका छन् । बुधबार राजधानीमा आयोजित नेपाल विद्युत प्राधिकरणको बार्षिक उत्सब कार्यक्रमा बोल्दै आर्चायले पीपीए गरेपछि प्राधिकरण अझ धेरै माथि पुग्ने भन्दै छिटै पीपीए खोल्नुपर्ने बताएका हुन् ।

उनले भने, हामी निजि क्षेत्रका व्यक्तिहरु सरकारसंग २०७५ सालदेखि पीपीए गर्न भनेको हो, अझै धाईरहेका छौ । निजि क्षेत्रलाई जलविद्युत उत्पादन गर्न त्यति सजिलो छैन। हामी ७ वटा मन्त्रालय २०० वटा टेबलमा पुग्नुपर्छ हामी औपचारीक रुपमा नेपाल सरकारको निकायमा त्यो बाहेक कति हो कति छन् ‘ इन्डक्सन चुलो विस्तापित गर्र्नपर्छ भनेको ५ बर्ष बितिसक्यो कति इन्ड्रक्सन चुलो वितरण गर्न सफल भयौ ? पेट्रोलियम पर्दाथ विस्तापित गर्ने भनेर भन्न थालेको पनि धेरै बर्ष भईसक्यो जसले गर्दा व्यापार घाटा बढाएको भन्दै भाषण भन्दा पनि यसका लागि ठोस कार्यक्रम ल्याउन माग गरे ।

उनले विद्युत प्राधिकरणले जतिपनि विद्युतको व्यापार गरेको छ । त्यसमा झण्डै २ तिहाई स्वतन्त्र उर्जा उत्पादकहरुको उत्पादन रहेको जिकिर गरेका छन् । यो कुरा कतै उल्लेख गरिदिएको भए हुने तर उल्लेख नभएको भन्दै व्याङग्य समेत गरेका छन् । प्राधिकरणको आयोजनाहरु कम र निजि क्षेत्रको आयोजना धेरै रहेको भन्दै विद्युत उत्पादन गर्ने कुरामा निजि क्षेत्र कटिबद्ध भएर लागेको उल्लेख गरे । विद्युत खपत गर्ने कुरामा गम्भिर भएर लाग्नुपर्ने र विद्युत खपत गर्र्नपर्ने अभियानमा लागिपर्नु पर्ने उनको धारण थियो । जहिले १५ हजार मेगावाट बनाउने भनेर घोषणा गरियो तर त्यहि बेला १५ हजार मेगावाट कसरी खपत गर्ने भन्ने कार्यक्रम संगसंगै ल्याउनु पर्ने थियो भन्ने उनको धारणा थियो । यो कार्यक्रमा आएको भए आज पीपीए गर्न आनाकानी गरिरन पर्ने थिएन् उनले भने । विद्युत प्राधिकरणको सफलतामा हामी पनि सहभागी छौ भनेर गौरब गर्ने ठाउँ भएको भन्दै आर्चायले खुसी व्यक्त गरे । प्राधिकरणले अरु क्षेत्रमा जसरी निजी क्षेत्रलाई संम्लग्न गराएको छ । त्यसैगरी विद्युत व्यापारमा पनि निजि क्षेत्रलाई समावेश गराउन भन्दै आग्रह गरेका छन् ।