युवा उद्यमी कँडेल काठमाडौं–५ बाट चुनाव लड्ने

काठमाडौं । मंसिर ४ गते हुने प्रतिनिधि सभा निर्वाचनका लागि युवा उद्यमी विजय कँडेलले काठमाडौं क्षेत्र नम्बर ५ बाट स्वतन्त्र उम्मेदवारी दिने भएका छन् ।

सोमबार बिहान सामाजिक सञ्जालमार्फत उम्मेदवारी घोषणा गर्दै कँडेलले देशमा व्याप्त विकृति अन्त्य गर्न, देश र जनताको अवस्था परिवर्तन गर्न र उपलब्ध साधन, स्रोत र प्रविधिको उच्चतम सदुपयोग गरि देश विकासका लागि समग्र युवाहरुको प्रतिनिधित्व गर्दै उम्मेदवारी घोषणा गरेका हुन् ।

विभिन्न सामाजिक गतिविधि र व्यापार व्यवसायमा संलग्न रहेका कँडेल हाइजेनिक मिट सेन्टर, समाधान सेवा नेपाल, एचएम्सी फुड्स, हाइजेनिक एग्रो टुरिजम फार्म लगायत व्यवसाय सञ्चालन गर्दै आएका छन् ।

यसअघि उनले काठमाडौंलाई धुलोरहित बनाउन ‘जाग्यो नेपाल’ अभियानको नेतृत्व समेत गरेका थिए ।