सुनको मूल्य तोलामै एक लाख नाघ्यो

काठमाडौं । नेपाली बजारमा सुनको मूल्य उच्च भएको छ । नेपाल सुनचाँदी व्यवसायी महासंघका अनुसार नेपाली बजारमा सुनको मूल्य तोलामै एक लाख नाघेको हो ।

महासंघका अनुसार आज छापावाल सुनको मूल्य प्रतितोला एक लाख एक हजार ९ सय रुपैयाँ पुगेको छ भने तेजावी सुनको मूल्य प्रतितोला एक लाख एक हजार ४ सय रहेको छ । त्यस्तै, चाँदीको मूल्य पनि आज प्रतितोला १४१५ रुपैयाँ पुगेको महासंघले जनाएको छ ।