सिभिल लघुवित्तको सेयर मूल्य समायोजन « Devoted for Economic Devlopment, आर्थिक विकासको लागि समर्पित

अर्थबजार स्टोरी

सिभिल लघुवित्तको सेयर मूल्य समायोजन



काठमाडौं । नेपाल स्टक एक्स्चेञ्ज (नेप्से)मा सिभिल लघुवित्तको बोनस सेयरमा मूल्य समायोजन भएको छ । नेप्सेले कम्पनीको १९ प्रतिशत बोनस सेयरपछिको मूल्य समायोजन गरेको हो । 

सिभिलको बोनस सेयर समायोजनपछिको भाउ नेप्सेले १२ सय चार रुपैयाँ २९ पैसा निर्धारण गरेको छ । यसले आर्थिक वर्ष ०७७/०७८ को नाफाबाट १९ प्रतिशत बोनस सेयर र कर प्रयोजनसहित एक प्रतिशत नगद गरी कुल २० प्रतिशत लाभांश वितरण गर्दैछ ।

कम्पनीले २८ कात्तिकमा बिहान ११ बजे बोगनभिल्ला इभेन्ट्स, त्रिपुरेश्वर काठमाडौंमा वार्षिक साधारणसभा बोलाएको छ । लघुवित्तले साधारसभा तथा लाभांश प्रयोजनार्थ आज आइतबार बुक क्लोज गरेको छ । 

प्रकाशित : १४ कार्तिक २०७८, आईतवार १२:०३