बुटवल पावर कम्पनीले ३० लाख कित्ता एफपिओ जारी गर्ने

काठमाडौ। बुटवल पावर कम्पनी लिमिटेडले ३० लाख कित्ता फरदर पब्लिक अफरिङ (एफपिओ) जारी गर्ने भएको छ । कम्पनीको सोमबार बसेको सञ्चालक समितिको बैठकले उक्त संख्यामा प्रिमियममा एफपिओ निष्काशन गर्ने निर्णय गरेको हो ।

प्रिमियममा एफपिओ निकाष्शन गर्ने भनिएपनि कतिमा निकाल्ने भनेर तोकिएको छैन् । सञ्चालक समितिले निष्काशन गर्ने प्रस्ताव गरेको ३० लाख कित्ता एफपिओ पारितका लागि कम्पनीले आगामी असार २७ गते विशेष साधारणसभा बोलाएको छ ।

निष्काशनका सम्बन्धमा कम्पनीले जेठ ३२ गते नेप्सेलाई जानकारी गराएको छ । एफपिओ प्रयोजनका लागि आगामी असार १६ गते बुक क्लोज अर्थात सेयरधनी पूस्तिका बन्द हुने नेप्सेले जनाएकोे छ ।