काठमाडौं । गुडविल फाइनान्स लिमिटेडले लाभांश घाेषणा गरेकाे छ ।
फाइनान्सकाे आज (पुस ५ गते, आइतबार) बसेकाे सञ्चालक समितिकाे बैठकले आर्थिक वर्ष २०७६/७७ काे मुनाफाबाट फाइनान्सका शेयरधनीहरूलाई ८.४ प्रतिशत बोनस शेयर र ३.६ प्रतिशत नगद (कर प्रयाेजनका लागि) गरि कुल १२ प्रतिशत लाभांश वितरण गर्ने प्रस्ताव गरेको हो ।
उक्त प्रस्तावित लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि वितरण गरिनेछ ।
त्यसैगरी, फाइनान्सले पुस २९ गते, बुधबार फाइनान्सकाे २६औँ वार्षिक साधारण सभा आह्वान गरेकाे छ । उक्त सभा हाेटल क्राउन इम्पेरियल, रविभवन काठमाडाैँमा हुनेछ । फाइनान्सले साधारण सभा तथा लाभांश वितरण गर्ने प्रयाेजनका लागि पाैष १७ गतेदेखि पाैष २९ गतेसम्म बुकक्लाेज गर्नेछ । त्यसैले पाैष १६ गतेसम्म नेप्सेमा कायम भइ काराेर भएका शेयरधनीहरूले मात्र सभामा भाग लिन तथा लाभांश प्राप्त गर्न सक्नेछन् ।
Comment