उपत्यकामा थप ८१७ जनामा कोरोना भाइरसको संक्रमण

काठमाडौं । उपत्यकामा थप ८१७ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयकले काठमाडौं उपत्यकामा पछिल्लो २४ घण्टामा थप ८१७ जनामा कोरोना संक्रमण भएको पुष्टि गरेको हो ।

आज थपिएका नयाँ संक्रमित काठमाडौंका ६४९ जना, ललितपुरका १३२ जना र भक्तपुरका ३६ जनामा कोरोना संक्रमण पुष्टि भएको हो ।

योसंगै नेपालभर कोरोना संक्रमितको संख्या ७४ हजार ७४५ रहेको छ । संक्रमित मध्ये ५४ हजार ६४० जना निको भएर घर फर्किसकेका छन् । हाल संक्रिय संक्रमितको संख्या १९ हजार ६२४ रहेको छ ।

पछिल्लो २४ घण्टामा ७४२ जना कोरोनामुक्त भएका छन् भने ४ जनाको मृत्यु भएको छ ।