थप १४ सय ५४ जनामा कोरोना भाइरस संक्रमण पुष्टि

काठमाडौं । शुक्रबार नेपालमा थप १४ सय ५४ जनामा कोरोना भाइरस संक्रमण पुष्टि भएको छ । १० हजार ७०१ जनाको परीक्षण गर्दा १४५४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।

काठमाडौं उपत्यकामा थप ६९६ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका प्रवक्त्ता डा. जागेश्वर गौतमले काठमाडौं उपत्यकामा पछिल्लो २४ घण्टामा थप ६९६ जनामा कोरोना संक्रमण भएको पुष्टि गरेका हुन् । संक्रमित थपिएको यो संख्या अहिलेसम्म कै धेरै हो ।

प्रवक्ता गौतमका अनुसार उपत्यकामा आज थपिएका नयाँ संक्रमित काठमाडौंका ६२० जना, ललितपुरका ३८ जना र भक्तपुरका ३८ जनामा कोरोना संक्रमण पुष्टि भएको हो ।

पछिल्लो २४ घण्टामा ९७२ जना कोरोनामुक्त भएका छन् भने ५ जनाको मृत्यु भएको छ ।