संक्रमितको संख्या ३८ हजार ५ सय ६१ जना पुग्यो, उपत्यकामा कति ?

काठमाडाै । स्वास्थ्य तथा जनसङ्ख्या मन्त्रालयले नेपालमा थप एक हजार २ सय २१ जनामा कोरोना भाइरसको संक्रमण पुष्टि भएको जानकारी दिएकाे छ । याे सँगै नेपालमा काेराेना भाइरसबाट संक्रमण हुनेकाे संख्या ३८ हजार ५ सय ६१ जना पुगेकाे छ ।

मन्त्रालयद्वारा आज आयोजना गरिएको नियमित पत्रकार सम्मेलनमा बाेल्दै मन्त्रालयका प्रवक्ता डा. जागेश्वर गाैतमले पछिल्लो २४ घण्टामा देशका विभिन्न प्रयोगशालामा गरिएकाे परीक्षणमा थप एक हजार २ सय २१ जनामा कोरोना भाइरसको संक्रमण पोजेटिभ देखिएको जानकारी दिएका हुन् । जसमध्ये ३४८ जना महिला र ८७३ जना पुरुष रहेका छन् ।
आइतबार काठमाडौंका ३७२, ललितपुरका १२ जना र भक्तपुरका ४५ जना गरी उपत्यकाका ४२९ जनामा कोरोना भाइरसको संक्रमण पुष्टि भएको छ ।