सेयर बिक्री गरेको पैसा चार दिनभित्र भुक्तानी गर्न बोर्डको निर्देशन

काठमाडौं ।  धितोपत्र बोर्डले सेयर किनबेच भएको चौथो दिनभित्र अनिवार्यरूपमा पैसा भुक्तानी गर्न ब्रोकरहरूलाई निर्देशन दिएको छ ।

धितोपत्र बोर्डले केही ब्रोकर कम्पनीमा स्थलगत निरीक्षण गर्दा टी प्लस ३ भित्र भुक्तानी हुन नसकेको पाइएको भन्दै अबदेखि त्यस्तो नगर्न पनि चेतावनी दिएको छ ।

गत माघदेखि डिम्याट प्रणालीबाट सेयर कारोबार भए पनि ग्राहकले सेयर बिक्री गरेको चार दिनमा पैसा नपाएको गुनासो नियामक नेपाल धितोपत्र बोर्डलगायत सरोकारवाला निकायमा लगानीकर्ताले गुनासो गरेका थिए ।