सिभिल बैंकले किन्यो सिभिल क्यापिटल

काठमाडौं । सिभिल क्यापिटल मार्केट्स अब सिभिल बैंकको सहायक कम्पनीका रुपमा सञ्चालन हुने भएको छ । सिभिल बैंकले सिभिल क्यापिटल मार्केट लिमिटेडको ५१ प्रतिसत सेयर किनेर आफ्नो सहायक कम्पनी बनाएको हो ।

बैंकले केही समय अघि सिभिल क्यापिटलको सेयर खरिद गर्ने संझौता गरेको थियो । सिभिल बैंक र क्यापिटलमा सस्थापकहरु एउटै समूहका छन् । यही कारण बैंकले क्यापिटलको सेयर किनेको हो ।

सिभिल क्यापिटल मार्केट सहायक कम्पनी बनाएपछि बैंकले आफ्ना २४ वटा शाखा कार्यालयबाट धितोपत्र निक्षेप सेवा प्रदान गर्ने जानकारी गराएको छ । अब सिभिल बैंक लिमिटेडका २४ वटा शाखाकार्यालयबाट  डिम्याट खाता खोल्ने, धितोपत्र अभौतिकरण गर्ने लगायतका सेवा उपलब्ध हुने छन् ।

बैंकले आर्थिक वर्ष २०७१/७२ मा घोषणा गरेको बोनस शेयर तथा नगद लाभांश समेत वितरणको लागि शेयरधनीहरुलाई बैंकको सवै शाखा कार्यालयमा डिम्याट खाता तथा बैंक खाता उपलब्ध गराउन आग्रह समेत गरेको छ ।