इरानले कच्चा तेल निर्यात बढाउने

काठमाडौ। कच्चा तेल उत्पादन गर्ने देशहरुले उत्पादन कटौतीका साथै सप्लाई घटाएर घट्दो तेलको मूल्यलाई नियन्त्रणमा राख्ने निर्णयलाई कडा चुनौतीको सामना गर्नु पर्ने देखिएको छ । इरानले कच्चा तेलको उत्पादनका साथै सप्लाई बढाउने भएको छ । इरानलाई परमाणु हतियार बनाएको आरोपमा प्रतिबन्ध लगाइएको थियो । पछिल्लो समय उक्त प्रतिबन्ध हटेको छ । प्रतिबन्ध हट्ना साथ इरान सप्लाई बढाएर आफ्नो पुरानो बजार हिस्सा ओगट्न चाहन्छ । जसका कारण पनि इरान सप्लाई कटौतीमा नगर्ने पक्षमा देखिएको छ ।
इरानले स्पष्ट रुपमा भनेको छ कि आफु प्रतिबन्ध लाग्नु अघिको बजार स्तर सम्म पुग्ने जहाँ उसको दैनिक २५ लाख ब्यारेल कच्चा तेल निर्यात भई रहेको थियो । इरानलाई प्रतिबन्ध लाग्ना साथ उसको निर्यात तथ्यांक घटेर दैनिक ११ लाख  ब्यारेल भएको थियो । इरानको निर्यात घटे पछि अरु देशहरुले उत्पादन तथा निर्यात बढाएका थिए जसका कारण विश्व भरि कच्चा तेलको भाउ घट्दै गइ रहेको देखिन्छ । त्यसैले पनि इरान आफ्नु पुरानै बजार हिस्सा ओगट्ने धुनमा लागि रहंदा उसबाट उत्पादन कटौतीको अपेक्षा गर्नु ब्यर्थ देखिन्छ ।
मंगलबार बसेको कतार, रसिया, साउदी अरब तथा भेनेजुयेलाको बैठकले कच्चा तेलको उत्पादन अघिल्लो महिनाको हाराहारीमा मात्रै सिमित गर्ने र उत्पादन नबढाउने सहमति गरेको थियो । साथै उक्त बैठक मार्फत इरानलाई समेत उत्पादन नबढाउन अनुरोध गरिएको थियो जुन अनुरोधलाई आधारहीन बताउदै इरानले उत्पादन बढाउने निर्णय गरेको छ ।
अहिले बजारमा कच्चा तेलको मूल्यमा लगातार गिरावट आइ रहेको छ । डब्लूटीआई कु्रड करीब शुन्य दशमलव ५ प्रतिसतले झर्दै २९ डलरको आसपास कारोबार भई रहेको छ भने ब्रेंट कु्रड पनि शुन्य दशमलव ४ प्रतिसतले झरी करिब ३२ डलरमा कारोबार भई रहेको छ ।
नेपालमा पनि अन्तरराष्ट्रिय बजार भाउ घटेसंगै मुल्यमा कटौती गरेको छ । यद्यपि उपभोक्ताले भने अझै सहज रुपमा तेल भने पाई रहेका छैनन् । एजेन्सी