नेप्सेमा साताको अन्तिम दिनमा पनि नयाँ रेकर्ड

काठमाडौं। नेप्सेले साताको अन्तिम दिनमा पनि नयाँ रेकर्ड कायम गर्दै १२ सय ५१ दशमलव ४२ अंकमा कारोबार बन्द भएको छ । नेप्से परिसूचक ९ दशमलव २९ अंकले बढेको छ । बजार खुले पश्चायत बढन थालेको नेप्से सवा १२ बजे पछि भने घटदो क्रममा रहि पौने २ बजे पछि फेरि उकालो लाग्यो । अन्त्यमा १२ सय ५१ दशमलव ५१ विन्दुमा दिनको कारोबार बन्द भएको छ ।  ‘क’वर्गका कम्पनीहरु मापन गर्ने सेन्सिटिभ इन्डेक्स पनि १ दशमलव ९३ अंकले बढेर २ सय ६९ दशमलव ५२ अंकको बिन्दुमा पुगेर कारोबार बन्द भएको छ ।

अहिलेको नेपाली पूंजी बजारको बुलिश ट्रेन्डले कर्पोरेट क्षेत्र तथा अर्थतन्त्रमा देखिएको अन्योलता हटेसंगै राम्रो प्रतिफलको आसमा लगानीकर्ताहरुको आकर्षण बढेको छ, जसले बजारमा खरिद चाप बढेको मानिन्छ । त्यसो त नयाँ उचाइमा पुगेसंगै बजार चाँडै घट्छ भन्ने सोच र राम्रो प्रतिफलको अपेक्षा, यी दुई मानसिक द्वन्दका बीच लगानीकर्ताले आफ्नो निजि सोच, रणनीति तथा धारणालाई आधारभुत पक्षबाट पुष्टि गरि निर्णय लिनु पर्ने देखिन्छ ।

आज १ सय २४ वटा कम्पनीको ३ हजार ३ सय ६५ कारोबारबाट ११ लाख ४० हजार ८ सय ९५ कित्ता शेयर खरिद बिक्रि भएका छन् । आज कुल ७० करोड ९१ लख ८१ हजार ४ सय ७८ रुपैयाँ बराबरको शेयरको कारोबार भएको छ जुन गत दिनको तुलना भन्दा १४ करोड ९१ लाख रुपँैया बढी हो ।

आज कारोबार भएका उपपरिसुचक मध्ये फाइनान्स समुहको उपपरिसुचक बाहेक सबै बढेपछि सम्रगमा नेप्सेले उच्च बिन्दुमा पुग्न टेवा पुगेको हो । उपपरिसूचक मध्ये सबैभन्दा बढी हाइड्रो समुहको ४१ दशमलव ४१ अंकले बढेको छ भने विमा समुह ३८ दशमलव ७६ अंकले, उत्पादक समुह २७ दशमलव ५ अंकल, विकास बैंक समुहको २३ दशमलव ७१ अंकले,अन्य समुह ७ दशमलव ०५ अंकले, बैंकिंग समुह ४ दशमलव ८३ अंकले र होटल समुह ४ दशमलव २५ अंकले बढेका छन् । फाइनान्स समुहको १ दशमलव ९२ अंकले घटेको छ ।

कारोबारको आधारमा सबैभन्दा धेरै नेको इन्स्योरेन्स कम्पनीको ५ करोड २२ लाख ४७ हजार २ सय ३५ रुपैयाँ बराबरको कारोबार भएको छ । त्यसैगरी नेपाल लाइफ इन्स्योरेन्सको ३ करोड ५९ लाख २२ हजार ५ सय ७६ रुपैयाँ र नेपाल एसबिआई बैकको २ करोड ५२ लाख ४७ हजार ९ सय ५ रुपैयाँ बराबरको कारोबार भएको छ ।

आज सिदार्थ इन्भेष्मेन्ट ग्रोथ स्किम, नेपाल ग्रामीण विकास बैंक, सिदार्थ इक्विटि ओरिन्टेड स्किम र रिलायन्स लोटस फाइनान्स गरी ४ बटा कम्पनीहरुको  १० प्रतिशतले मूल्य वृद्धि भएको छ । त्यस्तै कालिका माइक्रोफाइनान्स डेभलपमेन्ट बैंकको ४ दशमलव ६२ प्रतिशतले मुल्य घटेको छ ।