सिटिजन्स बैंकको एफपीओ साउन १५ देखि निश्कासन हुने

काठमाण्डौ । सिटिजन्स बैंक इन्टरनेशनल लिमीटेडले आगामी साउन १५ गतेदेखि एफपीओको बिक्री खुलाउने भएको छ ।

सिटिजन्सले १०० रुपैयाँ अंकित मूल्यमा रु. १०० प्रिमियम थपी रु. २०० प्रतिकित्ताका दरले ४ लाख ६३ हजार ८ सय २६ कित्ता एफपीओ निश्कासन गर्न लागेको हो ।

इच्छुकले न्यूनतम ५० देखि अधिकतम २ हजार ३ सय कित्तासम्मका लागि आवेदन दिन सक्नेछ ।

एफपीओको निश्कासन तथा बिक्री प्रबन्धकमा ग्लोबल आइएमई क्यापिटल लिमीटेड रहेको छ ।

थप सार्वजनिक निश्कासन(एफपीओ) गरी बाँडफाँड गरेपछि बैंकमा संस्थापक समूहको सेयर स्वामित्व ५१ प्रतिशत र सर्वसाधारणको ४९ प्रतिशत कायम हुनेछ ।

सिटिजन्स बैंकको एफपीओलाई इक्रा नेपालले (इक्राएनपी) आइपीओ ग्रेड ३ को प्रमाणपत्र प्रदान गरेको छ । यसको अर्थ कम्पनीको अवस्था औसत छ भन्ने हो । यस्तो कम्पनीमा लगानी गर्दा जोखिम कम हुन्छ ।

इच्छुक लगानीकर्ताले सीआस्वा सदस्य बैंक तथा बित्तीय संस्था र तिनका तोकिएका शाखा कार्यालयबाट दरखास्त दिन सक्ने व्यवस्था मिलाइएको छ ।