मलेसियन एक्जियटा ग्रुपले किन्यो एनसेल,१ खर्ब ४० अर्ब भ्यालुएशनमा ८० प्रतिशतको हिस्सा खरिद « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

Feature News

मलेसियन एक्जियटा ग्रुपले किन्यो एनसेल,१ खर्ब ४० अर्ब भ्यालुएशनमा ८० प्रतिशतको हिस्सा खरिद

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । नेपालको मोबाइल सेवा प्रदायक कम्पनी एनसेल मलेसियन एक्जियटा ग्रुपले किनेको छ । एसियाकै ठुलो टेलिकम भएको दाबि गर्ने मलेसियाको टेलिकम कम्पनि एक्जियटा कम्पनिले नेपालको कर्पोरेट दुनियाँमा नयाँ इतिहास बनाउदै १ खर्ब ४० अर्ब रुपैया भ्यालुएशनमा ८० प्रतिशत एनसेलको हिस्सा खरिद गरेको हो ।

एनसेलको प्यारेन्ट कम्पनि टेलियासोनेराले आफूसँग भएको ६० दशमलब ४ प्रतिशत सेयर १०३० मिलियन अमेरिकी डलरमा बिक्री गरेको जनाएको छ । एनसेलको औपचारिक स्वामित्वमा रहेको २० प्रतिशत शेयर ४ करोड ८० लाख डलर अर्थात करिब ४ अर्ब ८० करोड रुपैयाँमा बिक्री गरेको छ ।

टोलियासोनेराले विज्ञप्ती जारी गर्दै एक्जियटाले भाइजर समूहसँग रहेको १९ दशमलब ६ प्रतिशत सेयर समेत किनेको जनाएको छ । उसले कम्पनीको ८० प्रतिशत सेयर आफ्नो स्वामित्वमा राख्ने भएको छ ।

बिज्ञप्तिमा उल्लेख गरिएको छ, वैदेशिक लगानीमा कम्पनी सञ्चालन गर्दा कम्तिमा २० प्रतिशत नेपाली नागरिकको लगानी हुनुपर्ने कानूनी प्रावधान अनुसार एक्जियटाले भावना सिंह श्रेष्ठलाई स्थानीय साझेदारको रुपमा छानेको छ । जस अनुसार यसअघिका स्थानीय साझेदार रहेका निरज श्रेष्ठले आफ्नो २० प्रतिशत सेयर भावना सिंहलाई बिक्री गरिएको हो ।

मलेसियन कम्पनी एक्जियटा समूहले एसियाका विभिन्न देशमा मोबाइल सेवा सञ्चालन गर्दै आएको छ । टेलियासोनेराले गत सेप्टेम्बरमा नै विज्ञप्ती जारी गर्दै नेपाल लगायतका सात देशबाट बाहिरिने जनाएको थियो ।

प्रकाशित : ६ पुस २०७२, सोमबार १३:३१ 21 December, 2015 1:31 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।