यदि तपाईं स्टक बजारमा टिकी रहन चाहानुहुन्छ भने यी कुराबाट जोगिनुस्

शेयर बजारमा हुने उतारचढावले निकै नै चुनाैती पैदा गर्दै अाएको छ । बजार बढ्दा शेयर खरिद गर्न नै नसक्ने अवस्था अाउछ भने घट्दा काैडीको भाउ समेत पाइन सक्दैन । यस्तो उतारचढाबको अवस्थामा तपाई अाफ्नो शेयर होल्ड गर्ने वा बेच्ने भन्नेमा पनि निर्णय गर्न सक्दैनाैँ । अनतराष्ट्रिय सञ्चार माध्यमले यहि समस्याको बारेमा तयार पारेको केही टिप्स हामी यहाँ प्रस्तुत गर्दै छाैँ ।

कमजोर शेयर बेच्नुस , राम्रोलाई राख्नुस

धेरै लगानीकर्ताहरुले राम्रो कम्पनीको शेयर केही नाफा हुने बित्तिकै बिक्री गर्ने हतारो देखाउँछन् । यो गलत प्रवृति हो । राम्रो अवस्थाको कम्पनीको शेयर लामो समयसम्म होल्ड गर्न सके त्यसबाट ठूलै रिटर्न पनि प्राप्त हुन्छ । यसतर्फ विशेष ध्यान दिनुपर्छ । बरु आफूसँग भएको कमजोर कम्पनीको शेयर बिक्री गरेर त्यसको लगानी पनि लङ टर्मका लागि राम्रो कम्पनीमा गर्नुहोस् । किनकि कमजोर कम्पनीको शेयरको मूल्य भविष्यमा झनै घट्न सक्छ । त्यसो त स्तरीय शेयरलाई होल्ड गरेर कमजोर कम्पनीको शेयर बिक्री गर्ने सिद्धान्त कार्यान्वयन गर्न अप्ठ्यारो पनि हुनसक्ला । राम्रो कम्पनीको थोरै शेयर किनेर लामो समयसम्म होल्ड हुन सकेमा मात्र शेयर बजारको असली विजेता बन्न सकिन्छ । त्यसकारण थोरै संख्यामा मात्र शेयर छ, मैले त के कमाउन सकूँला र ? भन्ने भ्रम पनि त्याग्नुपर्छ । राम्रो प्रदर्शन गरिरहेको सेयरलाई पनि नजरअन्दाज गर्नुहुन्न ।

अर्कोतर्फ, कुनै पनि कम्पनीको शेयरमा पहिरो गएपछि त्यो फेरि बढ्ला भन्ने कुनै ग्यारेण्टी हुन्न । त्यसकारण राम्रा शेयरलाई कहिले बेवास्ता नगर्नुहोस् । आफ्नो विचारमा जुन शेयरले खराब प्रदर्शन गरिरहेको छ, त्यसलाई बेलैमा बिक्री गर्नु नै उचित हुन्छ । तर, कुनै शेयरबाट गुमाएँ भन्दैमा चिन्ता नगर्नुहोस्, कारण यसले तपाईंको अनुुभव र शेयरसम्बन्धी ज्ञानलाई बढाइरहेको हुन्छ । गुमाउँदाको अवस्थाबाट सिकेर अगाडि बढ्नु पनि एउटा महत्वपूर्ण टिप्स हो । यी दुवै अवस्थामा कुनै पनि शेयरको मूल्य वृद्धि हुने भविष्यका सम्भाव्यताको बिषयमा अध्ययन गरेर मात्र निर्णय लिनु उचित हुन्छ । चाहिने भन्दा बढी डराउनु वा अत्तालिनु पनि शेयरमा लगानीमा घातक प्रवृति हो ।

लङ टर्मको दृष्टिकोण एडप्ट गर्नुहोस्

छोटो समयमै हुने ठूलो फाइदाले बजारमा आएका नयाँ लगानीकर्तालाई प्राय आकर्षित गरिरहेको हुन्छ । तर लामो समयसम्मका लागि दृष्टिकोण बनाउनु, लामो समयको लगानी योजना बनाउनुु र बजारमा प्रवेश गर्ने, लगत्तै निस्किने तथा घाटा व्यहोर्ने प्रवृति निरुत्साहित हुनुपर्छ । तर यसको अर्थ छोटो समयका लागि लगानी गर्ने र बजारमा सक्रिय कारोबारीले कमाउँदैनन् भन्ने चाहि होइन । तर लगानी गर्नु र सक्रिय रुपमा सेयरको कारोबार गरी नाफा कमाउनु भिन्न कुरा हुन् । शेयरको व्यापारमा धेरै जोखिम हुन्छ, यो जोखिम किन्ने र होल्ड गर्ने लगानीकर्ताले व्यहोरेको हुँदैन । यस्तै, सक्रिय कारोबारी सफल बन्न निश्चित क्षमता हुनुपर्छ, जुन क्षमता लगानीकर्तामा नभए पनि हुन्छ ।

ब्राण्डेड कम्पनी मात्र नहेर्नु

धेरै ठूला कम्पनीहरुको पारिवारिक नाम र प्रतिष्ठा हुन्छ । तर विश्वका कैयन् राम्रा लगानीकर्ता यस्ता पृष्ठभूमिबाट उठेका हुँदैनन् । हजारौं साना कम्पनीहरुसँग भोलि ठूलो कम्पनी बन्ने संभावना जिवितै हुन्छ । वास्तवमा, इतिहासदेखि नै ठूला भन्दा साना कम्पनीहरुले राम्रो रिटर्न दिइरहेका छन् । जस्तो, साना शेयरले अमेरिकामा औसतमा १२.२७ प्रतिशत रिटर्न दिन सफल भए भने स्तरीय शेयरको रिटर्न भने १०.५३ प्रतिशतमा मात्र सीमित थियो । यो तथ्यांक सन् १९२६ देखि २००१ सम्मको त्यहाँको शेयर कारोबारबाट निकालिएको हो । तर यसो भनेर हामीले तपाईंले सबै लगानी साना मूल्यका शेयरमै गर्नुहोस् भन्ने सुुझाव दिन खोजेका होइनौ ।

यी कुराबाट जोगिनुस्

बुल मार्केटबाट सजिलो गरि पैसा कमाउने माैका मिल्छ । लामाे समय देखि लगानी गर्दै अाएका लगानीकर्ता सर्ट ट्रम ट्रेन्डर बन्छन । तपाइले छोटो समयमा धेरै पैसा त तपाइले हात पर्नु हुन्छ तर जब मार्कटको सेन्टिमेन्ट नेगेटीभ हुन्छ तब तपाईसंग घटिया क्वालिटीको मात्रै स्टक बच्छ ।