प्राइम लाईफ इन्स्योरेन्सले बोनस शेयर दिने

काठमाडौं। प्राइम लाईफ इन्स्योरेन्स कम्पनीले लाभांश घोषणा गरेको छ । कम्पनीले चुक्तापूँजीको ३२ दशमलव ५ प्रतिशत बोनस शेयर दिने भएको छ । कम्पनीको बुधबार बसेको सञ्चालक समितिको बैठकले उक्त लाभांश घोषणा गरेको हो ।

कम्पनीले गत भदौ २७ मा सम्पन्न सातौं, आठौं, नवौं र दशौं वार्षिक साधारणसभाबाट पारित भएको चुक्ता पूँजीको १६० प्रतिशत हकप्रद शेयरका आवेदकले पनि बोनस पाउने जनाएको छ । हकप्रदलाई दिइने बोनस शेयर समायोजन गर्दा १२ दशमलव ५ प्रतिशत बोनस हुने कम्पनीले जनाएको छ ।