एजेन्सी ८ साउन । भारतका १४औं राष्ट्रपतिमा रामनाथले २५ जुलाईमा सपथ लिंदैछन । सपथपछि उनलाई सुविधायुक्त ३ सय ४० कोठाको भवन मिल्नेछ । यसको साथै राष्ट्रपतिले अत्याधुनिक मर्सिडिज बेञ्च एस-६०० पुलम्यान लिमोजिन कार पनि पाउनेछन । यो अत्याधुनिक कारमा हतियार देखि क्यामरासम्म जडान गरिएको छ ।
टायरमा हावा नुँदा पनि यो कार ८० किलोमिटर प्रति घण्टाको दरले दौडिन्छ । यसलाई अफिसियल मर्सिडिज बेञ्चमध्ये सबैभन्दा सुरक्षित मानिन्छ ।
यो कार खतराको स्थितिमा ६.७ सेकेण्डमा १०० किलोमिटर प्रति घण्टाको रफ्तारमा गुड्न सक्छ । यो कारको मुल्य करीब ११ करोड ६० लाख भारु पर्ने बताइएको छ ।
यो कारमा गोलीले कुनै असर गर्दैन र ग्रेनेट प्रहार भए पनि केही नहुने बताइएको छ । साथै कारको सिसा पनि बुलेटप्रुफ रहेको छ । एक बटन प्रेस गर्दा सिसालाई अपारदर्शी पनि बनाउन सकिन्छ ।
यसको अलाबा यो कारमाा जिपिएस सिस्टम पनि जडान गरिएको छ ।
नवभारत टाइमसको सहयोगमा
Comment