सहयोगी विकास बैंकको सेयर लिलामीमा

काठमाडौं  २९ असार ।सहयोगी विकास बैंक लिमिटेडकाे  सर्वसाधारण समूहको १६ हजार ३८६ कित्ता सेयर आज देखि लिलामीमा बिक्री खुला भएको छ । लगानीकर्ताले यसमा न्यूनतम १०० रुपैयाँलाई आधार मानेर त्यसभन्दा बढी मूल्य तोकेर निवेदन दिनुपर्नेछ । यो लिलामी सेयरमा आवेदन दिने अन्तिम म्याद भने साउन ५ गतेसम्म तोकिएको छ । यसअघि सहयोगीले जेठ १ देखि असार ४ गतेसम्म ११ लाख १ हजार १३५ कित्ता हकप्रद सेयर बिक्री खुला गरेको थियो । त्यसबेला आवश्यकता अनुसार हकप्रद सेयर नबिकेपछि बैंकले बाँकी रहेको सेयर अहिले लिलामीमा ल्याएको हो । लगानीकर्ताले सनराइज क्यापिटल लिमिटेड कमलपोखरी, काठमाडौंमा पुग्ने गरी आवेदन फारम बुझाउनुपर्नेछ । बोलपत्र साउन ६ गते सनराइज क्यापिटल लिमिटेड कमलपोखरी, काठमाडौंमा खोलिनेछ । यसमा बिक्री प्रबन्धकको काम सनराइज क्यापिटलले गर्दैछ ।